تعاآأل شف غيبتك كيف اثرت فيني~~

من عز نومي صحيت وشفت في عيني
دمعاً تهادى على جفني وانا غافي


سترت دمعي بكمي قبل يغريني
واخذت هذا الجسد من باقي ألحافي


وسريت تايه ورى خطوات رجليني
لاالوجه وجهي ولا أوصافي هي اوصافي


امشي واقول لطريقي لا توديني
لعيون ناس تبي تدري عن الخافي


امانتك خلها ما بينك وبيني
خابرك يالدرب خوة عمر وسنافي


ما ودي الناس تدري وش يبكيني
كرامة النفس ورث ابوي واسلافي


امشي واحس الخناجر في شرايني
والبرد يمشي وراي وينهش اطرافي


وحيد والليل بردونه يغطيني
تقول كان البلد روح بهـ السافي


الين ما اوحيت لي صوتاً يناديني
صوتاً اعرفه مثل ما اجهل وش اخلافي


قمت اتلفت وانادي لا تخليني
ما غير هذا الصوت صوتك الدافي


ولمحت زولك من اقصى الدرب لافيني
مدري وش اقول لكن حي هالافي


تعال شف غيبتك كيف اثرت فيني
تعال شفني وانا اغرق عقب مجدافي


تعال خذني ورح بي من عناويني
تعبت اعدي على جمرك وانا حافي


تعال واقطف بصوتك زهرة سنيني
كل المواعيد عقبك شمعها طافي


تعال وازرع خصل شعرك بكفيني
بضمها لين احس بليلك الضافي


تعال وش فيك خايف انت ناسيني
قطعت صوتي عليك وطال ميقافي


حتى بديت اشعر ان الحب معميني
وان انت حلم عثى فيني وانا غافي


لكن امانه ترى اللي فيني كافيني
ان رحت منك كذا ما رحت متعافي


بصدق الحلم واحذر لا تصحيني
في خاطري كلمتين ان قلتها كافي


امانة الله عليك ان غبت عن عيني
لا يكون قلبك مثل قلب الزمن جافي


مع كل دمعه تذكر رعشة ايديني
ومع كل ضحكه تذكر قلبي الوافي




للشاعر

يسلموو اخووي عالشعر

مرره حلوو ككثر من الشعر احبه خخخخخ

تقبل مرووري

يعطيك العافية اخوووي

ولو انك انت اللي تكتب هالشعر كان يخسي حامد زيد يمك ههههه




وتقبل مروري

نوورتوا صفحتي بمروركم ياهلا والله هع

هع اتصدق انا الي كاتب الشعر < نصاب هع

يعافيكم ربي ..

لكم مني اجمل التحيه عزيوه تقول تحب الشعر ابشر من عيوني بترسل منتداك اشعار

تحياتي..